Штогод 21 лютага ва ўсім свеце адзначаецца Міжнародны дзень роднай мовы. Гэта свята сiмвалiзуе ўзаемаразуменне, добрасуседства, гiстарычную памяць, дае магчымасць яшчэ раз звярнуць увагу на неабходнасць надаваць як мага больш увагi культуры, лiтаратуры, мове.

У гэты дзень мы запрашаем Вас на паказ спектакля “Чалавек, заставайся чалавекам!” па матывам аповесці Ваcіля Быкава “Адна ноч”.

“Чалавек, заставайся чалавекам!” – гэта спроба разабрацца ў дваістай чалавечай прыродзе і ў тых сілах, якія накіроўваюць нас. Гэта даследаванне складаных і супярэчлівых рухаў чалавечай душы, якая апынулася ў жорсткіх умовах вайны.

Будзем вельмі рады бачыць вас у нашым тэатры!